Бир кунда олти финжон қаҳва ичиш склероз яъни хотира сусайиши ривожланишининг олдини олади, деб хабар беради “Lenta.ru”.
Шунинг учун ҳам шифокорлар касалликларнинг олдини олиш мақсадида ёшлар ва кексаларга қаҳва ичишни тавсия қилишмоқда.
Journal of Neurology Neurosurgery & Psychiatry журнали шифокорларнинг мазкур хулосаларини чоп этди.
Олимларнинг фикрига кўра, қаҳва таркибидаги кофеин нейропротектор хусусиятга эга. Айни мана шу хусусият склероз ривожланишининг олдини олувчи реакцияларда иштирок этади. Улар буни икки тадқиқот мисолида исботлаб беришди.
Биринчи тадқиқотда швециялик склерозга чалинган 1620 нафар киши ва 2788 нафар соғлом киши иштирок этди. Иккинчи тадқиқотда эса АҚШлик 1159 нафар склерозга чалинган ва 1172 нафар соғлом киши иштирок этган.
Биринчи тадқиқотда олимлар иштирокчилардан 15-19 ёшдан 40 ёшгача бўлган даврда тахминан қанча миқдорда қаҳва ичганларини айтиш сўралди.
Иккинчи тадқиқот иштирокчилари эса ичилган қаҳванинг максимал миқдорини атйишлари сўралди. Олимлар дастлаб кунига бир-икки финжон қаҳва ичиб юрган иштирокчилардан мунтазам равишда қаҳва истеъмолига ўтган даврларини эслашни сўрашди.
Сўровнома натижасида олимлар қаҳва ичишнинг склероз ривожланишига кўрсатадиган таъсирига баҳо беришди.
Швеция фуқаролари иштирокида ўтказилган тадқиқот натижалари шуни кўрсатдики, сўнгги йилларда мунтазам равишда кунига беш-олти финжон қаҳва ичган кишиларда склероз ривожланиши даражаси мазкур ичимликни умуман ичмаган кишиларга нисбатан 28-30 фоизга кам.
АҚШликлар ўртасида ўтказилган сўровнома натижалари ҳам худди шундай натижаларни кўрсатган.
