Ўз ташқи кўриниши билан минглаб интернет фойдаланувчиларининг қалбин забт этган жиноятчи озодликка чиқди, деб хабар беради “Gazeta.ru”.
Маълумотларга кўра, 30 ёшли Жереми Микс модел сифатида фаолият юритишни режалаштирган.
Микс ноқонуний қурол сақлаш билан шуғуллангани учун қамалган эди. Аммо бу унинг йирик моделлик агентлиги билан шартнома тузиши учун тўсиқ бўла олмади.
Микснинг сурати Стоктон шаҳри полициясиниинг Facebook`даги саҳифасида эълон қилингандан сўнг у машҳур бўлиб кетди. Унинг сурати қисқа вақт ичида минглаб “лайк” йиғишга муваффақ бўлди.
Микснинг сурати 100 мингдан ортиқ фойдаланувчига ёққан, уни 12,8 минг марта бўлишишган, изоҳлар сони эса 27 мингдан ошиб кетган.
