Флешкада сақланган ушбу махфий маълумотларни экстремистик гуруҳдан қочиб кетган гуруҳ аъзоси ошкор қилган, дея хабар берди ТАСС нашри.
Британия махсус хизмати “Ислом давлати” гуруҳи таркибида жанг қилаётган 22 минг нафар хорижлик ёлланма аскарлар тўғрисидаги маълумотларга эга бўлди. Флешкада сақланган махфий маълумотларни экстремистик гуруҳнинг собиқ аъзоси ўғирлаб, ошкор этган. Бундай махфий маълумотларга эгалик қилиш, Ироқ ва Суриядаги ҳарбий вазиятни ўрганишда жуда қўл келади.
Нашрнинг хабар беришча, Британия махсус хизмати МИ-6 ташқи разведкаси ва МИ-5 контрразведкаси экспертлари флешкадаги маълумотлар асосида Сурия ва Ироқ ҳудудида, “Ислом давлати” гуруҳи таркибида жанг қилаётган 22 минг нафар ёлланма аскарнинг исм-фамилияси, манзили, қариндошлари рўйхатини ўрганиб, таҳлил қилишга киришган.
Ҳужжатларни ўрганиш жараёнида, экстремистик гуруҳ таркибида дунёнинг 50 дан ортиқ мамлакатлари фуқаролари Яқин Шарқда халифат ўрнатиш учун жанг қилаётгани маълум бўлди. Уларнинг 70 % араб мамлакатлари фуқаролари бўлса, қолганлари Европа мамлакатлари бўлмиш, Франция, Германия, Буюк Британия фуқаролари эканлиги аниқ бўлди.
