“Реал” жамоаси ҳужумчиси Криштиану Роналду УЕФА расмий сайти томонидан ўтказилган сўровга кўра, жорий ҳафтада ўтказилган ЕЧЛ 1/8 финал босқичининг энг яхши футболчиси деб топилди.
Португалиялик 31 ёшли ҳужумчи “Рома”га қарши ўйинда битта гол уриб, битта голли узатмани амалга оширди. Овоз бериш жараёнида иштирок этган респондентларнинг 56 фоизи Роналдуни қўллаб-қувватлаган. Иккинчи ўринга “ПСЖ” ҳужумчиси Златан Ибрагимович (34%) лойиқ деб топилди.
Учинчи ўрин эса “Зенит” ҳужумчиси Халкка насиб этган. Овоз бериш жараёнида иштирок этганларнинг 6 фоизи уни танлади.
