Ҳаётимиз — саёҳат, ғоя эса — йўлчи юлдуз. Йўлчи юлдуз бўлмаса ҳаммаси тўхтайди-қолади. Мақсад бой берилса, куч гўё мутлақо бўлмагандек.
Виктор Гюго
***
Инсон қайси манзилга кетаётганини билмаса, унинг елканига ҳеч бир шамол ҳам дуч келмайди.
Сенека
***
Ўз интилишинг маррасига етмоқчи бўлсанг — мулойимлик билан адашган йўлингни сўра.
Уильям Шекспир
***
Узоқни кўрадиган одам ўзининг ҳар бир истаги учун алоҳида ўрин топа билиши ва кейин уларни навбатма-навбат амалга ошириши керак. Очкўзлигимиз кўпинча бу тартибни бузиб юборади ва бир вақтнинг ўзида бизни шунчалар кўп мақсадлар кетидан чопишга мажбур этадики, натижада майда-чуйдаларга ўралашиб, энг муҳим нарсани эса, эсдан чиқариб қўямиз.
Ларошфуко
***
Тўғри йўлда судралиб бораётган одам ҳам йўлдан адашган шошқалоқдан ўзиб кетади.
Бекон
***
Одамларга зарари ҳам, фойдаси ҳам тегмайдиган кишидан фақирроқ одам йўқ.
Қобус
***
Бир одамга қилинган адолатсизлик барчага қилинган дағдағадир.
Монтескье
***
Ҳақсизликни кўра туриб индамаслик — ўша ҳақсизликда қатнашиш билан баравар.
Жан Жак Руссо
***
Бирон-бир нарсани севган кишигина бирон-бир қадр-қимматга эга бўлади. Қадр-қимматсизлик билан ҳеч нимани севмаслик айни бир хил нарсадир.
Фейербах