Америкалик Берни Cкуитьери рафиқаси Карланинг 400 минг долларлик никоҳ узугини ташлаб юборди, дея хабар берди “Gazeta.ru” нашри.
Бернининг айтишича, рафиқаси узукни ошхонадаги қоғоз салфетка устида қолдирган. Эр эса чиқинди йиғувчи машинанинг овозини эшитгач, уйдаги чиқинди тўла идишни олиб чиқиб ташлаган, унинг ичида рафиқасининг салфетка устидаги узуги ҳам бор эди.
Эр-хотин машинанинг орқасидан қувди, бироқ машина чиқиндиларни бўшатиб бўлганди. Улар Meridian Waste Services ходимларини 10 тонна ахлатни титкилашга кўндиришди. Орадан 25 дақиқа ўтгач, сервис ходими Жо Эванс узукни топди.
“Узукни топиб, эгасига қайтарганимда қалбим қувончга тўлди”, - деди Жо ўз таассуротлари билан ўртоқлашиб.
