Узоқ давом этадиган уйқу ва ҳаддан зиёд чарчоқ метаболик синдромни, хусусан инсулинга бўлган сезгирликнинг бузилишини келтириб чиқариши аниқланди. Бу ҳақда “Lenta.ru” хабар бермоқда.
АҚШлик олимлар ўзларининг янги тадқиқотлари тўғрисида Америка кардиология коллежининг 65-сессиясида маълум қилишди.
40 дақиқадан кўпроқ давом этадиган кундузги уйқу моддалар алмашинуви билан боғлиқ касалликларни келтириб чиқариш хавфини туғдиради.
40 дақиқадан кўпроқ давом этадиган уйқу, шунингдек қон босими ва холестерин миқдорини оширади, бел соҳасидаги ёғ қатламининг ҳажмини кўпайтиради.
Кун давомида ҳаддан ортиқ толиқиш ҳам моддалар алмашинуви жараёнига таъсир кўрсатади.
Олимлар бундай хулосага келиш учун 30237 нафар осиёлик ва европаликлар иштирокида 21 та тадқиқотлар ўтказишди.
Олимлар тадқиқот иштирокчиларидан кундуз пайти ухлашлари ёки ухламасликларини сўраган. Маълум бўлишича, кундузи ухлайдиганларда семизликнинг 2-даражаси ва қандли диабет аниқланган.
Кундуз пайти 40 дақиқадан кам ухлаганларда эса касалликлар ривожланиши хавфи юқори эмаслиги аниқланган.
