Британиялик севишганлар никоҳ маросимини Исландиядаги муз тоғларидан биридаги ғорда ўтказишга қарор қилган дунёдаги илк жуфтликдир, деб ёзади “Gazeta.ru”.
41 ёшли Энтони Ли ва 36 ёшли Мэри Жонс-Ли тўйларини ҳеч иккиланмасдан муз тоғидаги ғорда ўтказди.
Тўй маросими 40 метр чуқурликда ва -2 даража совуқда бўлиб ўтди. Унда 19 нафар меҳмонлар иштирок этди.
Тўй ўтказиш учун Лаунгйекюдль муз ғори танланди. Унинг ичида махсус кичик ибодатхона қурилган. Тўйни ўтказиш учун ўрта ҳисобда 9 минг евро сарфланди. Шундан ибодатхона ижараси учун 2,2 минг евро тўланди.
Лаунгйекюдль – майдонининг катталиги бўйича Европада иккинчи ўринда турувчи муз ғори.
