АҚШнинг Республикачилар партияси вакиллари президент Барак Обаманинг Аргентинага ташрифи чоғида ижро этган рақсини танқид остига олишди. Бу ҳақда “Вести” хабар бермоқда.
Уларнинг фикрига кўра, АҚШ президенти Куба ва Аргентинага ташрифи чоғида бутун дунё Брюссель терактларидан қайғуга тушган бир пайтда кўнгилхушлик қилгани ноўрин ҳаракат бўлган.
Маълумот учун, АҚШ президенти ва унинг рафиқаси Аргентина президенти ташкил этган расмий тушлик пайтида танго рақсини ижро этди.
Республикачилар партиясидан АҚШ президентлигига номзод Тед Крузнинг таъкидлашича, Брюсселдаги терактларда 9 нафар америкалик фуқаро ҳалок бўлган. Шунинг учун ҳам Обама ўзининг расмий ташрифини якунлаб, АҚШга қайтиши керак эди.
