АҚШлик хонанда Мадоннанинг қўшнилари унинг устидан Нъю-Йорк штати маъмуриятига арз қилишди, деб ёзади “Lenta.ru”.
Хонанданинг қўшниларининг айтишича, Мадонна уйи олдига ўзбошимчалик билан “тўхташ тақиқланади” йўл белгисини ўрнатиб олган.
Полициячиларнинг аниқлашича, хонанда ростан ҳам мазкур белгиларни жамоат жойига ноқонуний ўрнатган. Улар Мадоннадан белгиларни олиб ташлашни сўраган.
Мадонна уйи олдидан ўтувчи йўл четига “тўхташ тақиқланган” ва “тўхташ фақат шу уйда яшовчилар учун” каби белгилар ўрнатган ва ҳатто сариқ тасмалар орқали тўсиб ҳам қўйган. Хонанданинг вакиллари вазиятга аниқлик киритмаган.
Мадоннанинг ўзи эса айни пайтда янги альбомини бутун Америка бўйлаб тақдим этиш билан банд. Аввалроқ хонанданинг мухлислари концерт айтилган вақтдан анча кеч бошланаётганидан шикоят қилган эди.
