Forbes нашри медиамагнат Михаил Гуцериевни 2015 йил якунларига кўра, Россиядаги энг бадавлат фуқаро деб эълон қилган. Унинг оиласи ўтган йили 4,85 миллиард доллар даромадга эгалик қилган. У ўғли Саиднинг тўйига дунёнинг энг таниқли санъаткорларини таклиф қилди ва уларга 3 миллион евро миқдорида ҳақ тўлади. Бу ҳақда “Комсомольская правда” нашри хабар бермоқда.
Саид ва унинг рафиқаси Хадичанинг тўйлари 26 март куни Москва шаҳридаги “Сафиса” ресторанида бўлиб ўтди. Тўйга таклиф қилинган энг “қиммат” хонанда бу жаҳон эстрада юлдузи Стинг бўлди. У хизмат ҳақи учун 1,5 миллион евро олди. Женнифер Лопес миллион, Энрике Иглесиас 500 минг, Алла Пугачева 300 минг евро эвазига хизмат қилди. Айтиш жоизки, одатда бу санъаткорлар тўйларга бунданда қимматроққа келишади, аммо бу тўйга кўплаб хонандалар ташриф буюргани учун улар камроқ қўшиқ куйлаган. Шунинг ҳисобига нисбатан арзонроқ нархга рози бўлишган.
Тўйнинг иккинчи куни Лондон шаҳрида ўтказилиши режалаштирилган. Мазкур маросимда эса жаҳон юлдузлари Элтон Жон ва Бейонс иштирок этиши айтилмоқда.
Айтиш керакки, ресторанни эрта тонгдан қуролланган қўриқлаш хизмати вакиллари ўраб олган.
Келин Хадичанинг Ellie Saab муаллифлигидаги кўйлагини Франциядан келтиришди. Кўйлак жуда оғир яъни 25 килограмм бўлгани учун келинга ҳаракатланишида яна бир неча киши ёрдам берган. Эндигина 20 ёшни қарши олаётган Хадича асли Ингушетиялик бўлиб, бадавлат оила ўғли Саид учун тўрт йил мобайнида келин излаган. Ваниҳоят Хадича мазкур оилага лойиқ кўрилган.
Тўйга ўртача 600 киши ташриф буюрган. Меҳмонларни миллиардер Михаил Гуцериевнинг шахсан ўзи кутиб олган ва уларни кузатиш чоғида ҳар бир меҳмонга совға-салом берилган.
Тўйга келган меҳмонлар кавказ миллий таомлари билан сийланди. Тўй сўнггида эса десерт яъни икки метр келадиган торт уларга тортиқ этилди.
