Германия канцлери Ангела Меркель билан селфига тушган йигитни Брюссель терактлари ташкилотчисига ўхшатганлари ҳақида хабар берилган эди. 19 ёшли суриялик Анас Модамани бундай ўхшатишларга ўз муносабатини билдирди. Бу ҳақда “Lenta.ru” хабар бермоқда.
Суриялик Анас Модамани Брюсселдаги ҳудкуш террорчи Нажим Лашрауга қиёслаганларидан хафа бўлганини айтди. У бошида бундан бироқ ҳайиқди ҳам. Анас Германия ҳуқуқ-тартибот органлари ходимлари унинг уйида тинтув ўтказиб, келтирилаётган тахминларга у қанчалик алоқадор эканлигини аниқлашларини кутганди.
Модаманининг айтишича, у Дамашқдаги портлашлар оқибатида ўз юртини тарк этишга мажбур бўлган. Германияга у 2015 йилнинг сентябрь ойида келган.
2016 йилнинг бошидан бери у Берлинда яшайди ва немис тилини ўрганиш учун курсларга қатнайди. У шу ерда оила қуришни исташини билдирган.
Маълумот учун, 19 март куни Бельгия пойтахти Брюссель шаҳрида бир нечта мудҳиш терактлар содир бўлди.
