Президент Шавкат Мирзиёев ташаббуси билан қайта тикланган ва Кинематография агентлиги томонидан ўтказилаётган “Ипак йўли дурдонаси” Тошкент халқаро кинофестивали вилоятларда ҳам давом этмоқда.
Фестиваль дастурида “Ҳужжатли ва хроникал фильмлар киностудияси” ДУК жамоаси Хоразм вилоятига ташриф буюрди. Жамоа биринчи ўзбек оператори Худойберган Девонов уй музейида бўлди. Музейда Татьяна Басованинг "Ташкентский кинофестиваль Жемчужина шелкового пути" ҳужжатли фильми намойиш этилди.
