Бухородаги “BUXORO AGROKLASTER CHORVA” МЧЖ қарашли чорвачилик хўжалигига Германия ва Россиядан наслли қорамоллар олиб келинди. Бу ҳақда Ветеринария ва чорвачиликни ривожлантириш давлат қўмитаси хабар берди.
Хабарда айтилишича, Қоровулбозор туманида жойлашган, 3 ярим минг бош қорамол парваришлашга мўлжалланган янги чорва комплексига Германия ва Россиядан наслли қорамоллар олиб келинди.
Шу билан бирга Туркия давлатидан озиқлантириш, суғориш ва сут соғиш каби замонавий ускуналар олиб келиниб, ўрнатилди.
Шунингдек, айни пайтда хўжаликда бир кунда 30 минг литр сут ва 5 минг кг гўшт ишлаб чиқарилиши режалаштирилмоқда.
