Избоскан туманига Австриядан наслли қорамоллар олиб келинди. Бу ҳақда Ветеринария ва чорвачиликни ривожлантириш давлат қўмитаси хабар берди.
Мамлакатимизда чорвачилик соҳасига қаратилаётган юксак эътибор натижасида соҳада янги лойиҳалар амалиётга татбиқ этилмоқда.
Хусусан, ҳориждан наслли чорва молларини олиб келиш, чорвачилик маҳсулотлари ишлаб чиқаришда янги замонавий технологияларни ишга тушириш борасида қатор ишлар олиб борилмоқда.
Ҳозирда Андижон вилоятининг Избоскан туманидаги “Турғунбой Шокиров” чорвачилик фермер хўжалигига Австрия давлатидан 32 бош наслли қорамол олиб келиниб парвариш қилинмоқда.
