Ўзбекистон Республикаси Ветеринария ва чорвачиликни ривожлантириш давлат қўмитаси раиси Баҳром Норқобилов ҳамда қўмита ҳузуридаги “Ўзбекчорванасл” агентлиги Бош директори Баҳтиёр Атамурадовлар Қорақалпоғистонда бўлиб, Тахиатош туманидаги “Тахиатош жэс балиқ” МЧЖ фаолияти билан яқиндан танишишди.
Интенсив усулда балиқ етиштирилаётган мазкур балиқчилик хўжалиги айни пайтда аҳолини арзон ва сифатли балиқ маҳсулотлари билан таъминлашга ҳисса қўшиб келмоқда.
“Тахиатош жэс балиқ” МЧЖ раҳбари З.Бекимбетов билан бўлган суҳбат давомида бу ердаги замонавий технологиялар кўздан кечирилди ва иш жараёни бўйича батафсил маълумотлар берилди.
Қўмита раҳбарияти, шунингдек Нукус шаҳридаги “Қорақалпоқбалиқсаноат” МЧЖда ҳам бўлиб, корхонадаги иш жараёнлари билан танишди.
У ерда амалиёт ўтаётган Самарқанд ветеринария медицинаси институти Нукус филиалининг 4-босқич талабалари билан самимий суҳбат ўтказилди.
