Белбоғли кураш бўйича жаҳон чемпионати Жиззахда ўтказилади

ЖАМИЯТ 18.11.2021, 00:06
Теглар: ​Жиззах, белбоғли кураш
Белбоғли кураш бўйича жаҳон чемпионати Жиззахда ўтказилади

24-27-ноябр кунлари Жиззах шаҳридаги “Сўғдиёна” спорт мажмуасида Ўзбекистон Республикаси Президенти соврини учун белбоғли кураш бўйича илк маротаба 2001-2003-йилларда туғилган ўғил болалар ва қизлар ўртасида жаҳон чемпионати бўлиб ўтади.

Ўзбекистон жаҳоннинг энг сара белбоғли курашчиларини мусобақа гиламига чорлайди. Тўрт кун мобайнида дунё полвонлари белбоғли кураш қоидалари бўйича ғолиблик учун беллашади.

Жаҳон чемпионатида ўғил болалар белбоғли кураш ва эркин йўналишларда

-52 кг, -62 кг, -68 кг, -75 кг, -82 кг, -90 кг, -100 кг ҳамда +100 кг вазн тоифаларида, қизлар эса -48 кг, -52 кг, -58 кг, -66 кг, -76 кг ҳамда +76 кг вазн тоифаларида куч синашади.

Ўзбекистон Республикаси Президенти соврини учун ўтказиладиган Жаҳон чемпионатида 1-ўринни қўлга киритган спортчи 10 миллион сўм, 2-ўрин соҳиби 7 миллион сўм ва 3-ўринга сазовор бўлган спортчи 5 миллион сўм миқдорида пул мукофотига эга бўлишади.

Белбоғли кураш бўйича жаҳон чемпионати Туризм ва спорт вазирлиги, Ўзбекистон Миллий олимпия қўмитаси, Жиззах вилояти ҳокимлиги, Жаҳон белбоғли кураш ассоциацияси (ЖБКА), Халқаро белбоғли кураш федерацияси (ИБWА), Ўзбекистон белбоғли кураш федерацияси ҳамда қатор вазирлик ва ташкилотлар кўмагида ўтказилади.

Президенти соврини учун 2001-2003-йилларда туғилган ўсмирлар ва қизлар ўртасидаги жаҳон чемпионатида дунёнинг 30 дан ортиқ давлатидан терма жамоалар иштирок этиши кутилмоқда.

Айни пайтда Жиззах шаҳрида жаҳон чемпионатини муносиб тарзда ташкил этиш учун қизғин тайёргарлик ишлари олиб борилмоқда.

Шарҳлар

Жиззахда 22 ёшли йигит хотини ва ўғлини ўлдириб, ёқиб юборди (видео)

12.11.2022, 00:20

Жиззах вилоятининг Ғаллаорол туманида 22 ёшли йигит аёлини хиёнатда айблаб, уни ва 5 ёшли фарзандини ўлдирди. Бу ҳақда вилоят ИИБ ахборот хизмати хабар қилди.Маълум бўлишича,...
Жиззахда ички ишлар ходими ЙТҲга учраб ҳалок бўлди. У назорат-текширув постига тунги хизматга кетаётган бўлган (видео)

12.10.2022, 12:03

Жиззахда назорат-текширув постига тунги хизматга кетаётган ИИБ ходими автоҳалокатга учраб вафот этди. Бу ҳақда "Замон" дастурида хабар қилинди. Маълум қилинишича, Жиззах вилояти Шароф Рашидов тумани "Учтепа"...
Жиззахда 39 ёшли эркак хотинини уриб ўлдирди (видео)

07.09.2022, 12:07

Жиззахда аёл ўз эри томонидан ўлдирилди. Бу ҳақда вилоят ИИБ матбуот хизмати хабар бермоқда. Маълум қилинишича, жорий йилнинг 2 сентябрь куни Жиззах вилояти Зарбдор тумани Янгиҳаёт...
Жиззахда Қозон Федерал университети филиали очилди

30.08.2021, 17:23

Президент қарори (ПҚ–5237-сон, 28.08.2021 й.) билан Жиззах шаҳрида Қозон Федерал университети филиали ташкил этилди. Бу ҳақда Адлия вазирлиги хабар бермоқда.   Қарорга кўра, Филиалда қуйидаги бакалавриат...
Об-ҳаво: Тошкент
Валюта курси
1