Қашқадарёда хотинини ваҳшийларча ўлдирган маст эркакка нисбатан жиноят иши қўзғатилган - Бош прокуратура

Ижтимоий тармоқларда «Даҳшат, аёл ваҳшийларча ўлдирилди» сарлавҳали хабар тарқалди.

Республика Бош прокурори Матбуот котибининг хабар беришича, аёлнинг турмуш ўртоғи томонидан ўлдирилганлиги ҳолати юзасидан Жиноят кодексининг 97-моддаси (Қасддан одам ўлдириш) билан жиноят иши қўзғатилган.

 Айбланувчи шахсга нисбатан "қамоққа олиш" эҳтиёт чораси қўлланилган. Тергов олиб борилмоқда.