АҚШ янги жорий қилинган санкциялар рўйхатига «Россия элитаси вакиллари ва уларнинг оила аъзолари», жумладан, Россия Хавфсизлик кенгаши аъзоларини ҳам киритди.
Америка Қўшма Штатлари Россия президенти Владимир Путин ва ташқи ишлар вазири Сергей Лавровнинг қариндошлари ва Хавфсизлик кенгаши аъзоларига қарши янги санкциялар жорий қилмоқда. Бу ҳақда Оқ уй сайтидаги маълум қилинди.
"Қўшма Штатлар G7 ва ЕИ давлатлари билан биргаликда Россия элитаси ва уларнинг оила аъзоларига, шу жумладан Президент Владимир Путиннинг фарзандларига, унинг рафиқасига қарши тўлиқ блокировка қилувчи санкциялар киритмоқда. Шунингдек, янги жорий қилинаётгансанкциялар Ташқи ишлар вазири [Сергей] Лавров, Россия Хавфсизлик кенгаши аъзолари, жумладан, Россиянинг собиқ президенти ва бош вазири Дмитрий Медведев ва бош вазир Михаил Мишустинга нисбатан ҳам амал қилади", дейилади хабарда.
