Бу ҳақда Кремлга таяниб Sputnik хабар берди.
Россия президенти томонларни можаронинг кескинлашишига йўл қўймаслик ва юзага келган вазиятни фақат сиёсий-дипломатик йўллар билан ҳал қилиш учун зудлик билан чора кўришга чақирди.
Шунингдек, Путин Москва қирғиз-тожик чегарасидаги барқарорликни таъминлаш учун кўмак беришга тайёрлигини тасдиқлади.
Эслатиб ўтамиз, 16 сентябрь куни қирғиз-тожик чегарасида отишма содир бўлди. Томонлар бир-бирини провокацияда айбламоқда.
15-16 сентябрь кунлари Самарқандда ўтказилган Шанхай ҳамкорлик ташкилотининг йигирма иккинчи саммити иштирок этган Қирғизистон ва Тожикистон президентлари шу ернинг ўзида чегарадаги вазият юзасидан юзма-юз музокара ўтказишган эди.
