Аввал хабар қилганимиздек, бугун, 30 декабрь куни соат 8:20лар атрофида Миробод тумани, С.Азимов кўчаси 5 уй, 35-хонадонда (1-кават) портлаш содир бўлди. Ҳолат юзасидан Энергетика вазирлиги матбуот хизмати қўшимча маълумот тақдим этди.
Тақдим этилган маълумотларга кўра, хонадон эгаси 84 ёшли фуқаро бўлиб, у газ плитасидан фойдаланиб газни ўчирмасдан қолдирганлиги сабабли, хонада газ тўпланиб чақнаш содир бўлган ва у жароҳатланган. "Ҳудудгаз" ва "Пойтахт газ" таъминоти масъуллари чақнаш жойига етиб борган.
Ҳолат юзасидан яна қўшимча маълумот берилади.
