Сал аввал қор кўчкиси хавфи сабабли Қамчиқ довони автомобиллар ҳаракати вақтинча ёпилгани хабар қилиган эди. Айни пайтда Қамчиқ довони автомобиллар ҳаракати учун қайта очилди. Бу ҳақда ФВВ матбуот хизмати хабар берди.
Маълум қилинишича, амалга оширилган зарурий тадбирлар натижасида 4 январь куни соат 10:00 да Қамчиқ довони автомобиллар ҳаракати учун қайта очилди.
Эслатиб ўтамиз, Қамчиқ довонида қор кўчкиси хавфи юзага келганлиги сабабли 4 январь куни соат 00:00 дан автомобиллар ҳаракати учун вақтинча ёпилган эди. Фавқулодда вазиятлар вазирлиги раҳбарлигида тегишли хизматлар билан ҳамкорликда фуқароларни қабул қилиш – эвакуация штаби тузилиб, "Ўзбекистон темир йўллари" АЖ ҳамкорлигида йўлда қолиб кетган йўловчиларга махсус рейс орқали поезд қатнови йўлга қўйилди ва исиниш масканлари ташкил этилди.
Шунингдек, ФВВ, ЙПХ ва «Қамчиқавтойўл» ИЙФУК ходимлари билан биргаликда йўлни қордан тозалаш, музламалар ҳосил бўлишининг олдини олиш ва қум-туз аралашмасини сепиш ишлари тўхтовсиз олиб борилди.
