АҚШнинг Кентукки штати, Лексингтон шаҳрида афсонавий енгил атлетикачи Тайсон Гэйнинг қизи отиб кетилди. Бу ҳақда “Вести” хабар бермоқда.
Маълумотларга кўра, бир неча қуролланган шахслар Тринити Гэй ўтаётган кафе ёнида отишма содир этган. Отишма оқибатида қизнинг бўйнига ўқ теккан. Шифокорлар 15 ёшли қизнинг ҳаётини сақлаб қолишолмади. Жиноятчилар ҳодиса содир бўлган жойдан қочиб кетган. Айни пайтда полиция содир бўлган ҳодиса юзасидан тергов-суриштирув ишларини олиб бормоқда.
Тринити Гэй, отасига ўхшаб спортчи эди. У югуриш билан шуғулланар эди. 2015 йилда ҳатто штатнинг энг яхши спортчиси деб топилган эди.
