Исроил мудофаа кучлари Ғазо секторидаги энг йирик Ал-Шифа касалхонаси ҳудудида операция бошлади, деб хабар берди Исроил армияси матбуот хизмати.
“Разведка маълумотлари ва тезкор заруратдан келиб чиқиб, Исроил армияси кучлари Ал-Шифо касалхонаси ҳудудида ХАМАСга қарши аниқ ва мақсадли операция ўтказмоқда”, — дейилади баёнотда.
Матбуот хизматининг ёзишича, Исроил ХАМАСнинг шифохонадан ҳарбий фойдаланиши “халқаро қонунлар бўйича унинг ҳимояланган мақомига путур етказиши” ҳақида бир неча бор огоҳлантирган.
“Биз шифохонадаги барча Хамас жангчиларини таслим бўлишга чақирамиз”, — дейилади баёнотда.
Аввалроқ араб ОАВлари Исроил шифохонада операция бошлангани ҳақида Ғазо Соғлиқни сақлаш вазирлигини хабардор қилгани ҳақида хабар берган эди.
Исроил шифохона қошида ХАМАС қўмондонлик пункти ташкил этилганини даъво қилмоқда ва бу ҳақда Вашингтонда ҳам айтилган.
Пентагон матбуот котиби Сабрина Сингхнинг айтишича, АҚШ разведкаси маълумотларига кўра, гуруҳ шифохоналардан, жумладан Ал-Шифодан ҳарбий мақсадларда фойдаланмоқда.
Шу муносабат билан ХАМАСнинг таъкидлашича, АҚШ шу йўл билан Исроилга тиббиёт муассасаларида қонли операциялар ўтказиш учун "яшил чироқ" ёқди.
Бир кун аввал «Аш-Шифо» ёқилғи йўқлиги сабабли амалда ишламай қолгани ҳақида маълумот олинган эди. Ғазо Соғлиқни сақлаш вазирлиги шифохоналарда 1500 бемор, 1500 тиббиёт ходими ва 15 000 дан 20 000 гача бошпана изловчи борлигини айтди.
