Тошкент ерусти метросининг айрим бекатларида иш тартиби ўзгаради. Бу ҳақда “Тошкент метрополитени” ДУК хабар қилмоқда.
Маълум қилинишича, Тошкент метрополитени “Ер усти ҳалқа йўли” йўналишининг II босқичидаги Қурувчилар даҳасидан Сергели мавзесигача бўлган Турон (13-бекат) ва Қипчоқ (14-бекат) метро бекатларини ишга тушириш мақсадида, йўналишдаги бошқа мавжуд бекатлар билан техник жиҳатдан ўзаро боғлаш ишларини ташкиллаштириш режалаштирилган.
Шу боисдан, режадаги ишларни амалга ошириш учун жорий йилнинг 25 ноябрь санасидан "Ер усти ҳалқа йўли" йўналишининг Технопарк (Дўстлик-2) ва Яшнобод (2-бекат) бекатлари иш режими соат 6:00 дан 22:00 га қадар ташкил этилади. Шунингдек, Тузел (3-бекатидан) Қурувчилар (12-бекат) бекатигача бўлган бекатлар оралиғида иш режими ўзгармаган ҳолда 05:00 дан 23:00 га қадар ташкил этилади. (Маълумот ўрнида 05:00 дан 06:00 гача ва 22:00 дан 23:00 гача Тузел-Қурувчилар бекатлари оралиғида бир томонлама (челнок) поездлар ҳаракати ташкил этилади.)
"Келтирилган ноқулайлик юзасидан йўловчилардан узр сўраймиз", - дейилади хабарда.