23 декабр куни кечқурун 25 ёшли Влада Москва марказида 37 ёшли тошкентлик Алексей Варакин томонидан пичоқланган. Бу ҳақда пойтахт Тергов қўмитасининг Телеграм-каналида маълум қилинди.
Пичоқбозликдан сўнг қиз ўзини ҳаммомга қамаб олган ва видеоқўнғироқ орқали бўлган воқеани дугонасига айтиб беришга улгурган. Дугонаси эса зудлик билан полицияга хабар берган. Полициячилар Мукомолний хиёбонидаги квартирага етиб боргач, қизни бўйнидан пичоқланган ҳолда, Алексейни эса яраланган ҳолда топишган. Унинг ўзи қизни ўлдирганини тан олган.
Эркак айни пайтга келиб ҳибсга олинган. Уларнинг ўртасида айнан нима содир бўлгани ҳозирча ўрганилмоқда.
Тергов бошқармасининг Пресненский туманлараро тергов бўлими томонидан Россия Федерацияси Жиноят кодексининг 105-моддаси 1-қисми (қотиллик) билан жиноят иши қўзғатилган.
