Ява оролидаги Сикаленгка – Хаурпугур участкасида эрталаб икки йўловчи поезди тўқнашиб кетди. Телеканал хабарига кўра, уч нафар темирйўл ходими ҳалок бўлган.
"Қурбонлар уч киши, хусусан: поезд машинисти, машинист ёрдамчиси ва стюард", деди Ғарбий Ява полицияси жамоатчилик билан алоқалар бўлими бошлиғи Комбес Иброҳим Томпо телеканалга берган интервьюсида.
Тўқнашув маҳаллий вақт билан 06:03 да содир бўлган. Йўлларни тозалаш учун оғир техника жўнатилди, йўловчилар ҳалокат жойидан тез ёрдам машиналарида эвакуация қилинди. Оқибатларни бартараф этиш жараёнида поездлар муқобил йўналиш бўйлаб ҳаракатланади, саёҳат вақти икки-уч соатга кечикади.
Дастлабки версияга кўра, тўқнашувга ҳайдовчиларнинг мулоқотига халақит берган алоқа линияларининг ишламай қолгани сабаб бўлган бўлиши мумкин.
