Ортидан гўзал қизни эслатувчи қизнинг бошқалардан фарқи йўқдек кўринади, аммо у ўгириладиган бўлса, одамлар даҳшатга тушади, деб хабар беради “Мarketium.ru” нашри.
Ҳаммаси бундан йигирма бир йил илгари бошланганди. Ирина Неженцева янги туғилган қизи Катянинг юзидаги ажинларга эътибор берди. Чақалоқнинг юзи кунлар эмас, балки соатлар сайин қариб борарди. Врачлар Катянинг жуда кам учрайдиган ирсий нуқсон – прогерия касаллигига чалинганини аниқлашди ва у бор-йўғи бир йил умр кўради дейишди. Иринанинг турмуш ўртоғи бу хабарни эшитиб, уларни ташлаб кетди. Кетиш олдидан Иринага “Мен боланинг юзига қарашга ўзимда куч тополмаяпман”, деди холос.
Аммо Ирина ягона фарзанди бўлмиш Катяга унинг умри қанчалик қисқа бўлмасин, бахтли болаликни ҳадя этишга қарор қилди.
Врачларнинг башоратига қарамай, Катя барча соғлом болалар каби вояга етди. Катта бўлганда эса тенгдошларининг таъна-дашномларини, ҳақорат, мазахларини эшитишга мажбур бўлди. У мактабда борганда бошқа болалардан тубдан фарқ қилишини, уларга ўхшамаслигини сезди ва “Агар мени ташқи қиёфам билан одамлар кўнглини забт этолмасам, унда билимим, меҳр-муҳаббатим билан забт этишим лозим. Ахир инсоннинг қалби гўзал бўлиши керак...”, деган фикрга келди.
Катя мактабда аъло баҳоларга ўқиди, энди унинг намунали хулқи хунуклигини ҳам билдирмасди. Агар бирорта одам уни камситмоқчи бўлса, уларга қарши жавоб беришни ўрганди. “Мен ўз танамни севишни ўргандим. Тасаввур қилинг дунё бўйича, бор-йўғи 20 нафар одамгина менинг касаллигимга чалинган. Демак, мен бошқаларга ўхшамайман!”, деди у. Катянинг оптимистлиги ва қувноқ кайфияти бошқа одамларга таъсир қилмай қолмади. У ўзига ишонган қиз бўлиб улғайди ва бахтли бўлишни мақсад қилди.
У бўлажак турмуш ўртоғи билан тасодифан телефон орқали, битта рақамни нотўғри териб, Катя билан танишиб қолди. Бу танишув тўй билан якунланди. Ҳозирда уларнинг соғлом ўғил фарзанди бор.
“Мен дунёдаги энг бахтли аёлман! – дейди Катя, – фақатгина ўзимга бўлган ишончгина мени ҳаётий синовларни енгишимда катта ёрдам берди. Сабрим эвазига тақдир менга ажойиб турмуш ўртоқ ва соғлом ўғилни ҳадя этди. Бундан ортиқ бахт бўлиши мумкинми?”
Бу қизнинг ҳаёт йўлига назар ташлаб, энг даҳшатли ташхис ҳам инсондан бахтли бўлиш ҳуқуқини олиб қўёлмаслигига тан берасан, киши...
16.12.2019, 11:35
Тошкентдайигит ва қиз ўртасида рашк сабабли келиб чиққан жанжал оқибатида қиз севгилини пичоқлади. Йигит эса бахтли тасодиф билан омон қолган. Бу ҳақда «Замон» ахборот дастурида...14.12.2019, 20:26
Косон туманидаги 6-умумий ўрта таълим мактабининг 11-синф ўқувчиси Н.Б. 4 декабрь, чоршанба куни ўз жонига қасд қилиш ҳолатлари билан вафот этгани ҳақида хабар берган эдик....11.07.2017, 14:37
Freeform канали ва Marvel Television “Янги жангчилар” сериалидаги бош қаҳрамон роли ижрочиларини топди, деб ёзади “Anons.uz”. Янги сериалда бош қаҳрамонни асли ўзбекистонлик бўлган 30 ёшли...11.07.2017, 14:36
Аксарият ота-оналардан фарқли равишда рассом Алия Чаглар қизига турли егуликлар ва гуллардан тайёрланган “кийимларни кийдиради”, деб хабар берди Onedio.ru нашри. Алия Чаглар 3 ёшли қизи...