Ижтимоий тармоқларда Тошкент вилояти Паркент тумани Сўқоқ қишлоғида 13 апрель куни кучли сел келгани ҳақида видеохабар тарқалди. Ҳолат юзасидан вилоят ҳокимлик расмий муносабат билдирди.
Қайд этилишича, 13 апрель куни қисқа муддатда ёғиб ўтган кўп миқдордаги кучли ёғингарчилик оқибатида Паркент тумани Сўқоқ қишлоғининг Чашма маҳалласида се.л оқимлари юзага келган.
Ҳодиса оқибатида Паркент тумани Сўқоқ қишлоғининг Чашма маҳалласи ҳудудидан оқиб ўтувчи сув йўлига кучли ёғингарчилик оқибатида оқиб келган сув сиғмай, мазкур ҳудуддаги автомобиль йўлининг қатнов қисмига тошиб чиқган.
Паркент туман Фавқулодда вазиятлар бўлими ва тегишли хизматлар томонидан мазкур ҳолат юзасидан ҳудудда ўрганиш ишлари олиб борилган ва ўрганиш натижасида ҳеч қандай талофатлар юзага келмаганлиги аниқланган.
