Футзал бўйича Ўзбекистон Кубоги ғолиби аниқланди. Ўзбекистон Кубоги финали доирасидаги "Oil Star" – “BMB”учрашуви якунига етди.
Учрашувнинг 14-дақиқасида “BMB” жамоасининг бразилиялик футзалчиси Ҳебберт Болт ҳисобни очди, 0:1. Орадан 6 дақиқа ўтиб, учрашувнинг 20-дақиқасида Ҳебберт Болт рақиб дарвозасини иккинчи бор ишғол қилди, 0:2. Шу тариқа биринчи тайм якунланди.
Иккинчи тайм бошида эса Илҳом Ҳамроевнинг голи эвазига "Оil Star" жамоаси ҳисобни қисқартирди, 1:2. 34-дақиқада эса Ҳусниддин Нишонов “Оil Star” жамоасининг иккинчи голига муаллифлик қилди, 2:2.
Асосий вақтда 2:2 қайд этилган бўлса, қўшимча таймларда ҳисоб ўзгармади ва баҳс тақдири пенальтилар сериясида ҳал этилди.
Унда “BMB” 4:3 ҳисобида зафар қучди ва Кубокни ўзиники қилди.
