Франциянинг Париж шаҳрида ёзги Олимпиада баҳсларида бокс мусобақалари давом этмоқда.
Ўзбекистонлик боксчи Ҳасанбой Дўсматов (51 кг) Париж-2024 ёзги Олимпиадасини ғалаба билан бошлади.
Ҳамюртимиз нимчорак финал доирасида Пуэрто-Рико вакили Хуан Мануел Лопесга қарши рингга чиқди ва 5:0 ҳисобида ғалаба қозонди.
Эндиликда Дўсматов 2 август куни чорак финал босқичида қозоғистонлик Сакен Бибоссиновга қарши баҳс олиб боради.
Шунингдек, бокс бўйича Ўзбекистон эркаклар терма жамоаси таркибидаги энг ёш спортчи Тўрабек Ҳабибуллаев ҳам Париж-2024 ёзги Олимпия ўйинларидаги дастлабки баҳсини омадли ўтказди.
20 ёшли чинозлик боксчимиз дебют жангида Токио-2020 ёзги Олимпия ўйинлари совриндори, филиппинлик Эймуир Марсиални мусобақадан чиқариб юборишга эришди.
