Асила Мирзаёрова Ўзбекистон тарихида Паралимпия ўйинларида ғолиб чиққан илк кўзи ожиз спортчига айланди!
Хабар берганимиздек, ҳамюртимиз Асила Мирзаёрова бундан бироз аввал пара енгил атлетиканинг Т11 классида узунликка сакраш бўйича 28 йилдан буён ўзгармай келаётган Паралимпия ўйинлари рекордини янгилади ва делегациямиз ҳисобига илк олтин медални тақдим этди.
Эътиборли жиҳати, шу кунга қадар Ўзбекистон тарихида кўзи ожиз спортчи Паралимпия ўйинларида олтин медални қўлга кирита олмаган эди. Асила Мирзаёрова Янги Ўзбекистоннинг Паралимпия тарихида янги саҳифа очди ва Паралимпия ўйинларида ғолиб чиққан илк кўзи ожиз спортчига айланди! Асила буни уддалади!
Пара енгил атлетика бўйича Ўзбекистон шарафини ҳимоя қилаётган Асила Мирзаёрова бироз аввал 5.22 метр натижа билан 28 йил янгиланмаган рекордни янгилаган эди.
Бироз аввал у яна рекордни янгилади. Бу сафар 5.24 метр.
Маълумот учун, Асила Мирзаёрова бундан аввал Токио-2020 ёзги Паралимпия ўйинларида ушбу йўналишда кумуш медални қўлга киритган эди.
