Қўшма Штатларнинг сайланган президенти АҚШ ва Шимолий Атлантика альянсининг бошқа аъзолари ўртасидаги мудофаа харажатларидаги фарқни "адолатсиз" деб атади. Бу ҳақда zamon.uz хабар берди.
"Улар ўз тўловларини тўлашлари керак. Агар бу амалга ошмаса, инаугурациядан кейин АҚШ-NATO муносабатларини қайта кўриб чиқаман", — дея таъкидлади Трамп NBC News телеканалига.
Америкалик сиёсатчи узоқ вақтдан бери NATO'нинг барча давлатлари ҳам мудофаа иттифоқи келишувларида қайд этилганидек, ўз ялпи ички маҳсулотнинг камида 2 фоизини мудофаа харажатларига ажратмаётганини танқид қилиб келади.
Иқтисодий Тадқиқотлар Институти маълумотларига кўра, NATO мамлакатлари орасида Қўшма Штатлардан ташқари, фақат Полша ва Буюк Британия 1990 йилдан бери ҳар йили умумий ЯИМнинг 2 фоизидан ортиғини мудофаага сарфлайди. Германияда зарурий мудофаа инвестицияларининг етишмаслиги тахминан 230 миллиард еврони, Италияда 120 миллиард еврони, Испанияда 80 миллиард евродан ортиқни ташкил қилади.
