Qo‘shma Shtatlarning saylangan prezidenti AQSH va Shimoliy Atlantika alyansining boshqa a’zolari o‘rtasidagi mudofaa xarajatlaridagi farqni "adolatsiz" deb atadi. Bu haqda zamon.uz xabar berdi.
"Ular o‘z to‘lovlarini to‘lashlari kerak. Agar bu amalga oshmasa, inauguratsiyadan keyin AQSH-NATO munosabatlarini qayta ko‘rib chiqaman", — deya ta’kidladi Tramp NBC News telekanaliga.
Amerikalik siyosatchi uzoq vaqtdan beri NATO‘ning barcha davlatlari ham mudofaa ittifoqi kelishuvlarida qayd etilganidek, o‘z yalpi ichki mahsulotning kamida 2 foizini mudofaa xarajatlariga ajratmayotganini tanqid qilib keladi.
Iqtisodiy Tadqiqotlar Instituti ma’lumotlariga ko‘ra, NATO mamlakatlari orasida Qo‘shma Shtatlardan tashqari, faqat Polsha va Buyuk Britaniya 1990 yildan beri har yili umumiy YAIMning 2 foizidan ortig‘ini mudofaaga sarflaydi. Germaniyada zaruriy mudofaa investitsiyalarining yetishmasligi taxminan 230 milliard yevroni, Italiyada 120 milliard yevroni, Ispaniyada 80 milliard yevrodan ortiqni tashkil qiladi.
