Ўзбекистон Республикаси Олий Мажлиси Сенатининг Кенгаши Ўзбекистон Республикаси Президентининг тақдимномасига мувофиқ Тимур Ишметовни Ўзбекистон Республикаси Марказий банки бошқаруви раиси лавозимига тайинлаш тўғрисида қарор қабул қилди.
Эслатиб ўтамиз, ушбу лавозимда Мамаризо Нурмуратов фаолият юритиб келаётган эди. Т.Ишметов номзоди айни шу лавозимга Президент томонидан Сенатга тақдим қилинган.
Маълумот учун, 2022 йилнинг 30 декабрь куни президентнинг тегишли фармони билан Тимур Ишметов молия вазири лавозимидан озод этилганди. Ўшанда буён у давлат раҳбарининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчисининг биринчи ўринбосари лавозимида ишлаб келаётганди.
