O‘zbekiston Respublikasi Oliy Majlisi Senatining Kengashi O‘zbekiston Respublikasi Prezidentining taqdimnomasiga muvofiq Timur Ishmetovni O‘zbekiston Respublikasi Markaziy banki boshqaruvi raisi lavozimiga tayinlash to‘g‘risida qaror qabul qildi.
Eslatib o‘tamiz, ushbu lavozimda Mamarizo Nurmuratov faoliyat yuritib kelayotgan edi. T.Ishmetov nomzodi ayni shu lavozimga Prezident tomonidan Senatga taqdim qilingan.
Ma’lumot uchun, 2022 yilning 30 dekabr kuni prezidentning tegishli farmoni bilan Timur Ishmetov moliya vaziri lavozimidan ozod etilgandi. O‘shanda buyon u davlat rahbarining iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha maslahatchisining birinchi o‘rinbosari lavozimida ishlab kelayotgandi.
