Конституциявий суд душанба куни президент Юн Сук Ёлга парламент импичменти эълон қилиш бўйича биринчи тайёргарлик тингловини 27 декабр куни ўтказишини маълум қилди. Бу тинглов президентга қарши импичмент бўйича суд жараёнини бошлаб беради.
Маълумки, 14 декабр куни Корея Миллий ассамблеяси 3 декабрда қисқа муддатли ҳарбий ҳолат жорий этгани учун президент Юнга қарши импичмент эълон қилиш ҳақида талабномани қабул қилди ва президент ваколатларини тўхтатиб, унинг кейинги тақдири бўйича қарорни Конституциявий судга топширди.
Тайёргалик тингловчи, шунингдек, кейинги суд жараёнлари омма учун очиқ бўлади. Президент одатда суд мажлисларида қатнашиши шарт бўлса-да, у 27 декабр ойида бўлиб ўтадиган биринчи суд мажлисида қатнашиши шарт эмас.
Суд Юннинг импичменти бўйича суд жараёнига устувор аҳамият беришини айтди.
Конституциявий суд 180 кун ичида импичментни қўллаб-қувватлаш ва Юнни лавозимидан четлаштириш ёки уни қайта тиклаш тўғрисида қарор чиқариши мумкин.
Суд электрон қуръа орқали иш бўйича бош судяни тайинлади, бироқ бу тайинлов сир сақлашини ва бу "судлар қарори" эканлигини айтди.
Aсосан, суд конституциявий суд жараёнларида раислик қилувчи судяни ошкор қилмайди. Фақат 2016 йилда собиқ президент Пак Кин Хега нисбатан импичмент бўйича суд жараёнида бош судя исм-шарифининг ошкор этилиши истисно бўлган.
Парламент маъқуллаганидан кейин, президент вазифасини бажарувчи ва бош вазир Хан Дак Су судяларни расман тайинлайди. Миллий ассамблея йил охиригача лавозимларни эгаллаш жараёнини якунлашни режалаштираётганини айтди.
Суд тайёргарликни тугатгандан сўнг, импичмент бўйича тингловлар оммавий тарзда ўтказилади.
Aгар у тасдиқланса, Юн 2017 йилда собиқ президент Пак Кин Хедан кейин ҳокимиятдан четлатилган иккинчи президентга айланади ва бу 60 кун ичида навбатдан ташқари президентлик сайловлари ўтказилишини тақозо қилади.
