Президентининг тегишли қарорига мувофиқ Авазжон Қудратиллаевич Каримов спорт вазири ўринбосари лавозимига тайинланди. Бу ҳақда вазирлик матбуот хизмати хабар берди.
Авазжон Каримов 1983 йилда Тошкент шаҳрида туғилган. У 2005 йилда Тошкент давлат иқтисодиёт университетини тамомлаган, 2016 йилда Ўзбекистон давлат жисмоний тарбия институтини, 2021 йилда Ўзбекистон давлат жисмоний тарбия ва спорт университетини тамомлаган.
Меҳнат фаолиятини 2006 йилда Карате миллий федерацияси раиси ўринбосарлигидан бошлаган ва ундан кейин бир қанча раҳбарлик лавозимларида ишлаган.
2019−2020 йилларда Республика олимпия захиралари коллежи директори, 2020−2021 йилларда жисмоний тарбия ва спорт вазири ўринбосари, 2021−2022 йилларда туризм ва спорт вазири ўринбосари, 2022−2023 йилларда спортни ривожлантириш вазири маслаҳатчиси, 2023 — 2024 йилларда ёшлар сиёсати ва спорт вазири маслаҳатчиси бўлган.
Каримов тайинловга қадар спорт вазирининг маслаҳатчиси лавозимида фаолият юритган.
