Жиззах вилоятида M-39 халқаро автомобиль йўлининг Ғаллаорол тумани “Хонимқўрғон” МФЙ ҳудудидан ўтувчи 1027-километрида юк автомобилида ёнғин содир бўлди.
Вилоят ФВБ маълумотига кўра, ҳодиса 6 июнь куни соат 06:39 да қайд этилган. Самарқанд–Тошкент йўналишида ҳаракатланаётган юк автомашинасида ёнғин чиққанлиги ҳақида хизматларга хабар келиб тушган.
Ҳодиса жойига 2 та ёнғин-қутқарув экипажи соат 07:10 да етиб борган ва олиб борилган тезкор ҳаракатлар натижасида ёнғин 07:48 да тўлиқ ўчирилган.
Расмий маълумотларга кўра, ҳодиса оқибатида жабрланганлар йўқ.
Ҳозирда ёнғиннинг келиб чиқиш сабаблари ва етказилган зарар миқдори аниқланмоқда.
