Президент ёрдамчиси Саида Мирзиёева юртимизда даволанаётган фаластинлик болалардан хабар олиб, Шавкат Мирзиёевнинг саломи ва энг эзгу тилакларини етказди.
“Янги йил арафасида юртимизда даволанаётган фаластинлик болалардан хабар олдим. Президентимизнинг саломи ва энг эзгу тилакларини етказдим.
Шунча қийинчиликларга қарамай, улар қалбида беғуборлик ва мўъжиза истагини сақлаб қолгани чиндан ҳам ҳайратланарли. Умид қиламанки, эътибор ва меҳр сўзлари уларнинг кўнглида ёруғ келажакка ишонч уйғотади. Уларга ва жафокаш Фаластин халқига тинчлик ва фаровонлик тилаймиз”, дейди Президент ёрдамчиси.
