Қозоғистоннинг Оқмўла вилояти Остона—Шучинский трассада ноқулай об-ҳаво туфайли 40 га яқин автомобиль тўқнашди. Бу ҳақда Tengrinews хабар берди.
Вилоят ИИБга кўра, ҳодиса соат 13:30 ларда Биржансал туманининг Кўгам ва Қаратал қишлоғи ўртасида юз берган. Об-ҳаво шароити ёмонлашгани (бўрон, кўриш чеклангани) сабабли 40 га яқин автомашина тўқнашган. Жабрланганлар ва қурбонлар ҳақида ҳозирча маълумот йўқ.
| https://t.me/darakchilive/18082 |
Воқеа жойида полиция ва фавқулодда вазиятлар хизмати ходимлари ишламоқда. Автомобильларни эвакуация қилиш ва йўл ҳаракати хавфсизлигини таъминлаш ишлари олиб борилмоқда.
Аввалроқ фавқулодда хизматлар ҳудудда об-ҳаво шароити ёмонлашиши мумкинлиги ҳақида огоҳлантирган. Шу муносабат билан барча ҳайдовчиларга, айниқса, шаҳар ташқарисидаги автомобиль йўлларида ҳаракатланмаслик тавсия этилган.
Ҳайдовчиларни об-ҳаво шароитларини инобатга олишга, йўлларда ўта эҳтиёткор бўлишга ва вазият яхшиланмагунча ушбу йўналишда ҳаракатланмасликка чақирамиз, дейилади ИИБ хабарида.
