Аввал хабар қилингандек, Тошкент шаҳрида 2025 йил 1 январдан бошлаб, автобусларда нақд пул қабул қилиш амалиёти тўхтатилди.
Сал аввал Тошкент шаҳар автобус йўналишларида нақд пулда тўлов қилган йўловчилар жаримага тортилиши тўғрисида хабарлар тарқалди. Транспорт вазирлиги хабарига кўра, ушбу маълумотлар асоссиз.
"Ўзбекистон Республикасининг Маъмурий жавобгарлик тўғрисидаги кодекси 144-моддасида йўловчининг троллейбусда, трамвайда, шаҳар ичида ва шаҳар атрофига қатнайдиган автобусда чиптасиз юриши — БҲМнинг ўндан бир қисми миқдорида жарима солишга сабаб бўлиши белгиланган.
Ўз вақтингизни ва маблағингизни тежаш учун автобусларда йўл ҳақини 1700 сўм эвазига электрон тўлов турлари, яъни:
Банк карталари,
Мобил иловалар ҳамда
АТТО транспорт ва виртуал карталари орқали амалга оширишингизни тавсия қиламиз", - дейилади хабарда.
