Синема Санъатлари ва илмий Академияси (Аcадемй of Motion Picture Arts and Sciences) томонидан эълон қилинган янги қоидаларга кўра, сунъий интеллект (СИ) технологияси қўлланилган фильмлар ҳам эндиликда “Oscar” мукофотлари учун номзод бўлиши мумкин.
Маълум қилинишича, 2025 йилдан бошлаб кучга кирадиган ушбу янги тартибга кўра, СИ иштирокида яратилган фильмлар ҳам муайян шартларга жавоб берса, мукофотларга даъвогарлик қилиши мумкин.
Бироқ ғолибларни аниқлашда ҳакамлар ҳайъати фильмда инсон ижодининг қанчалик иштирок этганига алоҳида эътибор қаратади.
Шунингдек, Академия янги қоида сифатида ҳайъат аъзоларига финал босқичида овоз бериш ҳуқуқига эга бўлишлари учун барча номзод фильмларни тўлиқ томоша қилишни мажбурий қилиб белгилади.
Маълумот учун, жорий йилда 97-марта ўтказилган Oscar тақдирлаш маросимида “Энг яхши операторлик иши” ва “Энг яхши эркак роли” каби йўналишларда ғолиб бўлган “Тҳе Brutalist” филми таркибида сунъий интеллектдан фойдаланилгани боис жамоатчилик танқидига учраган эди.
Эслатиб ўтамиз, 2023 йилда Голливуд актёрлари ва сценарий муаллифлари сунъий интеллект уларнинг иш ўрнига ўтиб кетиши мумкинлигидан хавотирланиб, иш таъминоти юзасидан олиб борилган музокаралар натижасиз якунлангач, норозилик сифатида оммавий иш ташлашга чиққан эди.
