Белгиянинг Бом шаҳрида бўлиб ўтган дунёга машҳур “Tomorrowland” мусиқа фестивали давомида икки нафар Исроил аскари федерация полицияси томонидан қўлга олинди. Бу воқеа халқаро майдонда Ғазо секторидаги ҳарбий жиноятлар учун жавобгарлик масаласига янгича эътибор қаратди.
Ҳуқуқни муҳофаза қилувчи органлар ҳаракатини Hind Rajab Foundation ва Global Legal Action Network (ГЛАН) томонидан тақдим этилган шошилинч юридик шикоят асосида амалга оширди. Шикоятда айтилишича, қўлга олинган ҳарбийлар инсониятга қарши жиноятлар, ҳарбий жиноятлар ва ҳаттоки геноцидда иштирок этганликда гумон қилинмоқда.
Ҳуқуқий ҳужжатларга кўра, Исроил аскарлари Ғазодаги ҳарбий амалиётлар вақтида тинч аҳоли яшайдиган ҳудудларга нишонланмаган ҳужумлар, мажбурий кўчиришлар, муҳим инфратузилмаларни атайлаб йўқ қилиш ҳамда очликни уруш қуроли сифатида қўллашда бевосита иштирок этган.
Тергов органлари қўлида ижтимоий тармоқларда тарқалган фото ва видео материаллар мавжуд. Улар орасида ушбу аскарларнинг Ғазодаги фуқаро уйларини вайрон қилишдаги иштироки акс этган тасвирлар ҳам бор.
Айни дамда Белгия ҳукумати бу иш юзасидан халқаро ҳуқуқ доирасида терговни давом эттирмоқда. Европанинг бошқа мамлакатларида ҳам Исроил ҳарбийларининг юриш-туришларига нисбатан мониторинг кучайтирилмоқда.
