“Ташаббусли бюджет”нинг 2025-йилги 2-мавсуми доирасида овоз бериш жараёни якунланди. Натижаларга кўра, умумий қиймати 3,2 трлн сўмлик 2 332 та лойиҳа ғолиб деб топилди.
Лойиҳалар 15 июлдан бошлаб босқичма-босқич ўтказилган жараёнларда иштирок этди.
3 августгача рўйхатга олиш, 4–18 август кунлари саралаш, 19–21 август кунлари тарғибот ўтказилган бўлса, 22–31 август оралиғида овоз бериш амалга оширилди. Якунда 11 миллиондан ортиқ овоз қайд этилди.
Эслатиб ўтамиз, президент қарорига мувофиқ, 2026 йилдан бошлаб ижтимоий лойиҳалар аҳоли ва давлат ўртасида шериклик асосида молиялаштирилади.
Агар ташаббускорлар лойиҳа қийматининг 50 фоизини қопласа, у автоматик равишда ғолиб бўлади, қолган қисмини эса давлат бюджети молиялаштиради.
