Тянцинда бўлиб ўтган Шанхай ҳамкорлик ташкилоти саммитида якуний декларация қабул қилинди. Унда БМТни ислоҳ қилиш зарурлиги қайд этилди, шунингдек, ҳарбий, энергетика ва транспорт соҳаларида ҳамкорликни ривожлантириш, сунъий интеллект хавфсизлигини таъминлаш масалалари белгиланди.
Ҳужжатда Исроил ва АҚШнинг Эронга қарши ҳаво ҳужумлари қораланди. Шу билан бирга, Украина масаласи тилга олинмади.
Россия президенти Владимир Путин йиғилишда Украинага қарши урушни оқловчи баёнотлар билан чиқди. Унга кўра, агрессия “Ғарб томонидан уюштирилган тўнтариш” ортидан бошланган. Путин, шунингдек, Хитой ва Ҳиндистон ташаббусларини ижобий баҳолаб, саммит доирасида Ҳиндистон бош вазири Нарендра Моди ва Туркия президенти Режеп Таййип Эрдоган билан учрашувлар ўтказди.
Учрашувларда урушни тугатиш масаласи ва иқтисодий ҳамкорлик муҳокама қилинди.
