Мамлакат бўйлаб давом этаётган норозиликлар муддатидан олдин сайловлар талаб қилинмоқда.
1 сентябрь куни Сербия пойтахти Белградда ўтказилган тинч юришда иштирокчилар 2024 йил ноябрь ойида Нови-Садда темирйўл вокзалида том қулаб тушиши оқибатида ҳалок бўлган 16 кишининг номларини йодга олди.
Бу юриш мамлакатдаги коррупция, бепарволик ва ҳукумат сиёсатига қарши норозилик сифатида ўтказилди. Шунга ўхшаш акциялар Нови-Сад, Крагужеваc ва Алексинатс каби шаҳарларда ҳам бўлиб ўтди.
Намойишчилар президент Александар Вучич етакчилигидаги Сербия прогрессив партиясини ҳокимиятдан четлатиш ва парламентга муддатидан олдин сайловлар ўтказилишини талаб қилмоқда.
Сербияда норозилик намойишлари бир неча ойдан буён давом этмоқда. Баъзида норозилар билан полиция ўртасида тўқнашувлар ҳам қайд этилган.
Январь ойида норозилик тўлқинлари фонида мамлакат бош вазири ва собиқ Нови-Сад мери Милош Вучевич истеъфога чиққанди.
