Жорий йилнинг 2 сентябрига ўтар кечаси Ростов шаҳри дронлар ҳужумига учради. Шундан сўнг бир уйда хавфли топилма аниқланиб, одамлар мактаб биносига вақтинча кўчирилди.
Ростов вилояти вақтинчалик губернатори Юрий Слюсарнинг маълумотига кўра, "портламаган снаряд" шаҳардаги кўп қаватли уйлардан бирининг хонадонида топилган.
Аҳолининг хавфсизлигини таъминлаш мақсадида 320 нафар фуқаро эвакуация қилинган, улар вақтинча мактаб биносига жойлаштирилган.
Снаряднинг тури ва келиб чиқиш сабаблари ҳозирча очиқланмади.
Шунингдек, 2 сентябрга ўтар кечаси Ростов шаҳри дронлар ҳужумига учрагани, шаҳар ғарбий чеккаси ва Красний Крıм қишлоғи яқинида ёнғин келиб чиққани, у тез орада бартараф этилгани билдирилди.
Ҳужум натижасида шаҳардаги бир нечта бино зарар кўрган, уч нафар катта ёшли ва бир бола шифокорларга мурожаат қилган.
Россия Мудофаа вазирлиги баёнотига кўра, ҳужум вақтида 13 та учувчисиз учиш аппарати (УУА) уриб туширилган.
