Бош прокуратура ҳузуридаги Департаментнинг Наманган вилояти бошқармаси, ДХХ ҳамда Божхона бошқармаси билан ҳамкорликда ўтказилган тезкор тадбирда “Лаcетти” русумли автомобиль тўхтатилиб, кўздан кечирилган.
Натижада автомобиль йўловчиси С.Б. ҳар бири 100 долларлик қалбакилаштирилган 30 000 АҚШ долларини Наманган шаҳрида муомалага киритиш мақсадида олиб келгани аниқланган. Пул маблағлари ашёвий далил сифатида олинган.
Мазкур ҳолат юзасидан Жиноят кодексининг 25, 176-моддаси билан жиноят иши қўзғатилиб, ҳозирда тергов ҳаракатлари олиб борилмоқда.
