Тошкент шаҳрида жорий йилнинг 5–7 июнь кунлари ўтказилган пиво фестивали ортидан бир қатор мансабдорларга нисбатан интизомий чоралар қўлланилди.
Маълум бўлишича, Ўзбекистон Республикаси Президенти маслаҳатчиси Русланбек Давлетовга Меҳнат кодексининг 312-моддасига мувофиқ ҳайфсан интизомий жазоси берилган. Шунингдек, унга нисбатан моддий рағбатлантириш чоралари бекор қилинган.
Бундан ташқари, Русланбек Давлетов раҳбарлик қиладиган хизматнинг бош инспектори Суҳроб Юсупов Президент Администрацияси раҳбарининг фармойиши билан эгаллаб турган лавозимидан озод этилган.
Қайд этилишича, мазкур фармойиш ижросини таъминлаш Президент Администрациясининг Комплаенс хизмати раҳбари Эркин Юлдашев ҳамда Ишлар бошқармаси бошлиғи Зелимхон Ҳайдаров зиммасига юклатилган.
Эслатиб ўтамиз, пиво фестивали шу йилнинг 5–7 июнь кунлари Тошкент шаҳрида бўлиб ўтган эди. Мазкур тадбир жамоатчиликнинг турли муҳокамаларига сабаб бўлган.
